ОХУ-ын Номхон далайн флот "Варшавянка" төслийн цуврал шумбагч хөлөг онгоцуудаар хүч зузаатгана

  Номхон далайн флот нь ойрын хугацаанд  636 "Варшавянка" төслийн дизель-цахилгаан шумбагч хөлөг онгоцуудаар нэмэгдэнэ гэж ОХУ-ын Тэнгисийн Цэргийн Флотын хөлөг онгоц үйлдвэрлэх хэлтсийн дарга 1-р зэргийн ахмад Владимир Тряпичников өнгөрсөн бямба гарагт мэдээлжээ.

  "Ойрын хугацаанд Номхон далайн флот нь Номхон далайн цэргийн ажиллагааны орон зайг тооцоолон сайжруулсан 636 "Варшавянка" төслийн цуврал шумбагч хөлөг онгоцуудаар нэмэгдэнэ гэдгийг бид баталж байна", - гэж Тряпичников мэдэгдлээ.

  Анх уг ангилалын шумбагч хөлөг онгоцуудыг Варшавын гэрээний орнуудын зэвсэглэлд их хэмжээгээр экспортлох зорилгоор зохион бүтээсэн юм байна. 1990-ээд оны дундаас үйлдвэрлэгдэж эхэлсэн. Маш чимээ багатай учраас барууны цэргийнхэн "Хар нүх" гэж хочилдог. Гол зэвсэглэл нь 10-р сард Каспийн тэнгисээс Сири руу 1500 км-ийн зайнаас харваж байсан "Калибр" далавчит пуужин. Мэдээж торпедын аппараттай. Одоогийн байдлаар:
- БНХАУ-ын зэвсэглэлд 10 ширхэг,
- БНСВУ (Бүгд Найрамдах Социалист Вьетнам Улс) -ын зэвсэглэлд 4 ширхэг, нийт 6 ширхэгийг захиалсан,
- БНАААУ (Бүгд Найрамдах Ардчилсан Алжир Ард Улс) -ын зэвсэглэлд 2 ширхэг, мөн 2 ширхэгийг нийлүүлэх гэрээ хийгдсэн,
- ОХУ-д одоогоор 4 ширхэг, нийтдээ Хар тэнгисийн флотын хэрэгцээнд 6 ширхэг захиалагдсан юм байна.
1000 кВт-ын чадалтай 2 дизель-генератортой, $300 сая долларын өртөгтэй. Хямдхан, авсаархан, хамгийн гол нь маш аюултай. Дизель-цахилгаан шумбагчнуудын дунд шилдэг нь.