Дэлхийн 2-р дайны шилдэг танк 21-р зуунд ч гэсэн ашиглагдсаар байна.
Оросоос Т-90МС танкийг ирэх хүртэл вьетнамын армийн танкчид Т-34 болон түүний суурин дээр хийгдсэн амжилттай артиллерийн өөрөө явагч систем болох Су-100 дээр цэргийн албаа хаасаар байна. Хуягт техникийн олон лавлах номнууд дээр зөвлөлтийн Т-34-85 танк одоог хүртэл зарим улсуудын армийн зэвсэглэлд байгаа гэсэн байдаг. Тэдний нэг нь Вьетнам улс байжээ.
Энэ загварын танкнууд нь вьетнамын армийн зэвсэглэлд өнгөрсөн зууны 50-иад оны сүүлээс эхлэн нийлүүлэгдсэн бөгөөд америкчуудын эсрэг, тэдний сайгоны тоглоомын улсын эсрэг болон камбожийн полпотын дэглэм, хятадуудын эсрэг ашиглагдсан билээ.
Мэдээж одоогийн байдлаар уг танкнууд нь Дэлхийн 2-р дайны үеийнхээсээ өөрчлөгдөж, сайжруулагдсан. Вьетнамын Т-34-ууд нь Т-54/55/62 танкнуудтай ижилсүүлсэн тулгуурын хүрд, шөнийн харааны онилгоо болон орчин үеийн радио станцтай болсон байна.
Гэсэн хэдий ч ийм түвшинд сайжруулагдсан вьетнамын Т-34-үүд нь байлдааны гэхээсээ илүү түүхийн ач холбогдолтой гэхэд болно. Вьетнамын армийн бусад хуягт техникүүд нь нэлээд хуучирсан бөгөөд хятадын армийн адил техникүүдийн түвшинд хүрэхгүй.
Тийм ч учраас вьетнамын арми ОХУ-аас Т-90МС танкнуудыг яаралтай худалдаж авах болсон тухай мэдээллийг тун эерэгээр хүлээж авсан. Вьетнамын армийн удирдлагууд худалдаж авах танкнуудын тоо анх заасан 28 ширхэгээс хамаагүй их байх болно гэж тооцоолж байна.
Дадидо дадидос. За даа яаж ч бодсон Т-34 хэдэн тоёота пикаапуудын дэргэд зэвсэг шүү дээ. Танк л бол танк.
ReplyDelete