Америкийн арми тун удахгүй шинэ "Абрамс"-тай болно

  Америкийн армийн цорын ганц БҮТ (Байлдааны Үндсэн Танк) болох Abrams-ын шинэ хувилбарын хээрийн туршилт хийгдэж байна.

  Дэлхийн томоохон цэргийн болон агаар-сансрын технкийн үйлдвэрлэгч болох General Dynamics-ын охин компани General Dynamics Land Systems-ийн дэд ерөнхийлөгч Дональд Котчманы хэлж байгаагаар Abrams M1A2 SEP v.3 танкны анхны 9 ширхэг танкнуудыг үйлдвэрлэсэн гэсэн байна. 

  Уг 9-өөс 7 ширхэг танк нь 2015 оны 01-р сараас эхлэн Аризона мужийн Юма болон Марилэнд мужийн Абердины полигонуудад хээрийн туршилтанд орж байгаа гэжээ. Хээрийн туршилт 2020 оны 03-р улиралд дуусч шинэ Abrams-ууд америкийн зэвсэгт хүчинд нийлүүлэгдэж эхлэн юм байна.

  Abrams M1A2 SEP v.3-т дараах сайжруулалтыг хийгдсэн гэжээ:

• программчлагдсан тэслэгчтэй АМР сумнуудаар гал нээх бололцоо олгох ADL аппаратурын тоноглолтой сайжруулсан галын удирдлагын систем;
• олон төрлийн зориулалттай, программчлагдсан тэслэгчтэй ХМ1147 АМР болон шинэ хуяг нэвтлэх М829Е4 АКЕ гэсэн хоёр үндсэн шинэ сумтай;
• онилогчийн онилгоонд шинэ дулааны мэдрэгчтэй IFLIR багажийг мөн танкны багийн ахлагчинд зориулж тусдаа панорам онилгоо тавьж өгсөн;
• багийн гишүүдэд шинэ дэлгэц тавьж өгсөн бөгөөд энэ бүхэлдээ нөхцөл байдлыг мэдэж авах машин-хүн гэсэн харилцааг сайжруулна;
• шинэ хуяглалтны бүрэлдэхүүн;
• танкны оношлогооны удирдлагын шинэ систем болон хурдан солих боломжтой модулиуд нь танкны байлдааны бэлэн байдлыг өсгөнө;
• шинэ туслах эрчим хүчний төхөөрөмжтэй учраас үндсэн хийн-турбин хөдөлгүүрт ирэх ачааллыг бууруулна;

  Блогийн зүгээс: Шинэ Abrams-ны сайжруулалтаас дүгнэх бол бараг газраар явагч "сансрын хиймэл дагуул" болсон бололтой. Анхны хувилбараасаа ч гэсэн 10 гаруй тонн нэмэгдсэн учраас улам л хөдөлгөөн багатай, "мөлхөө" танк болох нь. Танкны хамгаалалтын хувьд оросын дэвшилтэт технологи болох "Арена"-тай адил систем хийгдээгүй байна. Дээрээс нь үнийн хувьд 8,5 сая ам.доллар болох учраас дэлхийн хамгийн үнэтэй танкнуудын жагсаалтанд дээгүүр байр эзлэх нь ойлгомжтой. Гол нь 300 ам.долларын үнэтэй РПГ-ний эсрэг хэр амь бөхтэй байх нь тодорхойгүй. Мөн тус компаний дэд ерөнхийлөгч нь оросын шинэ Т-14 "Армата"-гийн эсрэг хэр үр дүнтэй вэ гэсэн асуултанд хариу өгөлгүй бултсан гэдгийг онцлох хэрэгтэй.